मोयखेडा दिगर (ता. जामनेर) — येथील स्वर्गवासी शिवाजी नामदेव चौधरी (वय ५० वर्ष) यांच्याकडे LIC ची जीवन विमा पॉलिसी होती. हृदयविकारामुळे झालेल्या त्यांच्या आकस्मिक निधनानंतर LIC कडून त्यांच्या कायदेशीर वारस व पत्नी श्रीमती मंगला शिवाजी चौधरी यांचा मृत्यू दावा मंजूर करून अत्यंत त्वरित स्वरूपात—फक्त सहाव्या दिवशी—मृत्यू दाव्याची संपूर्ण रक्कम थेट त्यांच्या बँक खात्यात जमा करण्यात आली.
सदर विमा दाव्याबाबतचा सन्मान सोहळा गावातील मान्यवर श्री. सुनील चौधरी, श्री. प्रमोद बाठे, श्री. दत्तात्रय खुरपडे, श्री. राजेंद्र चौधरी, श्री. रतन चौधरी, भास्कर नानोटे, श्री. दिनकर चौधरी, भगवान नानोटे, पांडुरंग चौधरी, श्री. उत्तम काशीराम चौधरी, श्री. पांडुरंग मिस्तरी तसेच मुख्य विमा सल्लागार श्री. अविनाश अशोक चौधरी यांच्या प्रमुख उपस्थितीत अत्यंत सन्मानपूर्वक व भावनिक वातावरणात पार पडला.
या प्रसंगी गावातील अनेक प्रतिष्ठित नागरिक व मान्यवर मोठ्या संख्येने उपस्थित होते. दुःखद व कठीण काळात LIC च्या जीवन विमा योजनेमुळे कुटुंबाला मिळालेला हा त्वरित, विश्वासार्ह आणि मोलाचा आर्थिक आधार उपस्थितांच्या मनाला भावून गेला.
या घटनेतून जीवन विमा म्हणजे केवळ एक पॉलिसी नसून, संकटाच्या काळात कुटुंबाच्या पाठीशी खंबीरपणे उभा राहणारा खरा विश्वास आहे हे पुन्हा एकदा ठामपणे अधोरेखित झाले.